प्रधानमंत्री नरेंद्र मोदी आज कर्नाटक आणि गोवा दौऱ्यावर आहेत. कर्नाटकात उडुपी इथल्या श्रीकृष्ण मठाला त्यांनी भेट दिली आणि पूजा अर्चना केली. गर्भगृहासमोरच्या सुवर्ण तीर्थ मंडपाचं उद्घाटन करुन नंतर त्यांनी संत कनकदास यांच्या पवित्र खिडकीला सुवर्ण कवच अर्पण केलं. या खिडकीतून कनकदासांना भगवान कृष्णांचं दर्शन झालं होतं असं मानलं जातं. त्यानंतर आयोजित लक्ष कंठ गीता पठण कार्यक्रमात प्रधानमंत्री सहभागी झाले.
प्रधानमंत्री नंतर गोव्याला जाणार असून पर्तगळी इथं प्रभू श्री रामांच्या ७७ फूट उंच कांस्य पुतळ्याचं अनावरण करणार आहेत. याच ठिकाणी त्यांच्या हस्ते १० हजार चौरस फूट संग्रहालयाचं उद्घाटन होईल.
