प्रधानमंत्री नरेंद्र मोदी यांनी इस्रायलचे प्रधानमंत्री बेंजामिन नेतान्याहू यांच्याशी काल दूरध्वनीवरून संवाद साधला. या दरम्यान उभय देशांदरम्यान असलेल्या धोरणात्मक भागीदारीच्या सातत्यपूर्ण गतीविषयी समाधान व्यक्त करताना, परस्पर फायद्यासाठी हे संबंध आणखी भक्कम करण्याच्या वचनबद्धतेचा पुनरूच्चार केला. दोन्ही नेत्यांनी दहशतवादाचा तीव्र निषेध केला आणि कोणत्याही स्वरुपातल्या दहशतवादासंदर्भात शून्य सहिष्णूता दृष्टिकोनाचा पुनरूच्चार केला.