पेरू या देशानं मेक्सिकोशी असलेले राजकीय संबंध तोडल्याची घोषणा आज केली. मेक्सिकोनं पेरुचे माजी प्रधानमंत्री बेट्सी चावेझ यांना आश्रय देण्याचा निर्णय घेतल्यानंतर पेरूनं ही घोषणा केली. चावेझ यांच्यावर  पेरुचे माजी अध्यक्ष पेड्रो कॅस्टिलो यांच्या नेतृत्वात २०२२ साली झालेल्या बंडात सहभागी असल्याचा आरोप आहे. चावेज यांना आश्रय देण्याचा  मेक्सिकोचा निर्णय म्हणजे मैत्रीचा घात करणारी कृती असल्याचं पेरूचे परराष्ट्र मंत्री ह्यूगो डी झेला यांनी म्हटलं आहे.