पाकिस्तान आणि अफगाणीस्तान यांच्यातील परिस्थितीवर भारत लक्ष ठेवून असल्याचं परराष्ट्र व्यवहार मंत्रालयाचे प्रवक्ते रणधीर जयस्वाल यांनी आज नवी दिल्लीत वार्ताहर परिषदेत सांगितलं. पाकिस्तान हा दहशतवादी संघटनांना मदत करतो, आपल्या अपयशाचं खापर शेजारी देशांवर फोडणं ही पाकिस्तानची जुनी सवय असल्याचं जयस्वाल म्हणाले. अफगाणीस्तान स्वतंत्रपणे काम करत असल्याने पाकिस्तानची चिडचिड होत असून भारत अफगणीस्तानचं सार्वभौमत्व जपण्यासाठी वचनबद्ध आहे, असं ते म्हणाले.