ऑपरेशन सिंदूरनंतर केंद्रीय गृह मंत्री अमित शाह यांनी जम्मू काश्मीरचे नायब राज्यपाल मनोज सिन्हा आणि मुख्यमंत्री ओमर अब्दुल्ला यांच्याशी राज्यातल्या सुरक्षा परिस्थितीबद्दल चर्चा केली. सीमावर्ती  भागात राहणाऱ्या नागरिकांची सुरक्षा सुनिश्चित करण्यासाठी उपाययोजना करण्याचे निर्देश त्यांनी सीमा सुरक्षा दलाच्या महासंचालकांना दिले. सीमेजवळच्या राज्यांचे मुख्यमंत्री, पोलीस महासंचालक तसंच मुख्य सचिव यांची बैठक घेऊन गृहमंत्र्यांनी  त्यांना मार्गदर्शन केलं.