डॉलरच्या तुलनेत रुपयानं विनिमय दरात आज पहिल्यांदाच ९० रुपयांची पातळी ओलांडली. दिवसअखेर एक डॉलरचा विनिमय दर २५ पैशांनी घसरुन ९० रुपये २१ पैशांवर या विक्रमी निचांकी पातळीवर स्थिरावला. परदेशी गुंतवणूकदारांनी पैसे काढून घेणं सुरु ठेवल्यानं तसंच कच्च्या तेलाचे दर वाढत असल्यानं डॉलरच्या तुलनेत रुपयाची घसरण सुरू आहे. अमेरिकेसोबत न झालेला व्यापार करार, रिझर्व्ह बँकेनं रुपयाचं अवमूल्यन थांबवण्यासाठी काहीही प्रयत्न केले नसल्यानं सुद्धा ही घसरण सुरू आहे.
रुपयाच्या या घसरणीमुळं सरकार फार चिंतेत नाही. यामुळं महागाईचा दर किंवा निर्यातीवर काही परिणाम होत नसल्याची प्रतिक्रिया मुख्य आर्थिक सल्लागार व्ही. अनंत नागेश्वरन यांनी आज दिली. पुढच्या वर्षी हे अवमूल्यन कमी होईल, अशी आशा त्यांनी व्यक्त केली.
