उत्तर मॅसेडोनियामध्ये, कोकानी शहरातील एका नाईटक्लबमध्ये काल लागलेल्या आगीत किमान 59 जणांचा मृत्यू झाला आणि 155 हून अधिक जण जखमी झाल्याचं वृत्त आहे. युरोपियन देशातील लोकप्रिय हिप-हॉप बँड डीएनकेच्या संगीत कार्यक्रमात सुमारे दिड हजार नागरिक उपस्थित होते. कार्यक्रमादरम्यान वापरांत आलेल्या फटाक्यांमुळे आग लागली असल्याचा प्राथमिक अंदाज असल्याचं गृहमंत्री पेन्स टोस्कोवस्की यांनी माध्यामांशी बोलताना सांगितलं.