नांदेड जिल्ह्याच्या नायगाव तालुक्यात असलेल्या कृष्णूर एमआयडीसीतल्या कामगारांवर काल बिबट्याने केलेल्या हल्ल्यात एक कामगार जखमी झाला. त्यानंतर या बिबट्याच्या शोधात निघालेल्या वनविभागाच्या कामगारावरही बिबट्यानं हल्ला चढवला आहे. या परिसरात बिबट्यामुळे भितीचं वातावरण असून नागरिकांनी सतर्कता बाळगावी असं आवाहन करण्यात आलं आहे. बिबट्याला पकडण्यासाठी सापळे, कॅमेरे आणि पिंजरेही लावण्यात आले आहेत.