वेव्हज उपक्रमाअंतर्गत आयोजित ‘ट्रूथ टेल हॅकेथॉन’च्या पहिल्या ५ विजेत्यांची नावं जाहीर झाली आहेत. युनिकॉर्न, अल्केमिस्ट, व्हूशिंग लायर्स, बग स्मॅशर्स, आणि व्होर्टेक्स स्क्वाड या संघांना १० लाख रुपयांचं बक्षीस मिळालं आहे. चुकीची माहिती पसरु नये याकरता कृत्रिम बुद्धिमत्तेचा वापर करुन उपाय शोधून काढल्याबद्दल हे सामायिक बक्षीस नवी दिल्ली इथं आयोजित कार्यक्रमात देण्यात आलं. या स्पर्धेसाठी जगभरातून पाच हजार सहाशे प्रवेशिका आल्या होत्या. वेव्ज परिषद येत्या १ ते ४ मे दरम्यान मुंबईत होणार आहे.