नागपूर शहराला पाणीपुरवठा करणाऱ्या ओसीडब्ल्यूनं त्यांच्या यंत्रणेत एक महिन्याच्या आत सुधारणा करावी, अन्यथा कारवाई केली जाईल, असा इशारा केंद्रीय मंत्री नितीन गडकरी यांनी आज अधिकाऱ्यांना दिला. पालिकेच्या सभागृहात केंद्रीय मंत्री गडकरी आणि पालकमंत्री चंद्रशेखर बावनकुळे यांनी पाणीपुरवठा आणि नागनदी प्रकल्पासह विविध कामांचा आढावा घेतला. या बैठकीत गडकरी यांनी नागपूर महानगरपालिकेच्या कार्यपद्धतीवरही नाराजी व्यक्त केली.