अर्थसंकल्पामधे अनुसूचित जाती, जमातीला लोकसंख्येच्या प्रमाणात वाटा द्यावा, एससी, एसटीच्या विद्यार्थ्यांसाठी शिष्यवृत्तीची उत्पन्न मर्यादा ८ लाख रुपये करावी आदी मागण्यांसाठी समता सैनिक दलानं नागपूरच्या संविधान चौकात आज निदर्शनं केली. रमाई घरकुल योजनेची मर्यादा पाच लाखांपर्यंत वाढवा, सुशिक्षित बेरोजगारांना व्यवसायाकरिता ४ टक्के दरानं अर्थसहाय्य द्या आदी मागण्याही या वेळी करण्यात आल्या.