नाशिकमध्ये आतापर्यंत २१ जागांवर निकाल घोषित झाले आहेत. भाजप ११ जागांवर विजयी झाला असून शिवसेना ८ जागांवर विजय मिळवला आहे. शिवसेना उद्धव बाळासाहेब ठाकरे पक्षाला एका जागेवर विजय मिळवता आला आहे.
मालेगाव महापालिकेच्या ८४ जागांपैकी ४९ जागांचे निकाल जाहीर झाले आहेत. इस्लाम पार्टीला सर्वाधिक १९ जागांवर विजय मिळवला असून शिवसेनेला १८ जागांवर विजय मिळाला आहे. याशिवाय समाजवादी पार्टीने ५, एमआयएमने ४, भाजपने दोन जागांवर तर काँग्रेसने एका जागेवर विजय मिळवला आहे.
धुळे महानगरपालिकेच्या ७४ जागांपैकी ३३ जागांवर भाजपचे उमेदवार तर तीन जागांवर शिवसेनेचे उमेदवार विजयी झाले आहेत. चार जागांवर एमआयएमचे उमेदवार विजयी झाले आहेत.
जळगाव महापालिकेत भाजपाला ४६ तर शिवसेनेला २२ जागांवर विजय मिळाला आहे.
छत्रपती संभाजीनगरमध्ये ११५ जागांपैकी ८९ जागांचे कल जाहीर झाले असून त्यात ४९ जागांवर भाजप आघाडीवर आहे. शिवसेना १३ जागांवर आघाडीवर असून राष्ट्रवादी काँग्रेस शरदचंद्र पवार पक्ष एका जागेवर आघाडीवर आहे. शिवसेना उद्धव बाळासाहेब ठाकरे पक्ष ६ तर, एमआयएमचे उमेदवार १६ जागांवर तर राष्ट्रवादी काँग्रेस शरदचंद्र पवार पक्ष एका ठिकाणी आघाडीवर आहे. वंचित बहुजन आघाडीचे उमेदवार ४ जागांवर आघाडीवर आहेत. पालकमंत्री संजय शिरसाठ यांचा मुलगा सिद्धांत शिरसाठ आणि मुलगी हर्षदा शिरसाठ आपापल्या प्रभागात विजयी झाले आहेत.
लातूर महापालिकेत काँग्रेस आणि वंचित बहुजन पक्षाने आघाडी केली होती. या दोन्ही पक्षांचे मिळून ४७ उमेदवार विजयी झाले असून त्यापैकी ४३ काँग्रेसचे तर ४ वंचितचे उमेदवार आहेत. भारतीय जनता पार्टीला २२ जागी विजय मिळाला असून राष्ट्रवादी काँग्रेसचा फक्त १ उमेदवार विजयी झाला आहे.
परभणी महापालिकेत शिवसेना उद्धव बाळासाहेब पक्षाचे उमेदवार २३ जागांवर आघाडीवर असून काँग्रेस १२ जागांवर आघाडीवर आहे. भाजपचे उमेदवार १३ जागांवर तर राष्ट्रवादी काँग्रेसचे उमेदवार १० जागांवर आघाडीवर आहेत.
जालना महापालिकेत भाजपला ३७ जागांवर आघाडी मिळाली असून शिवसेना १२ जागांवर आघाडीवर आहे. काँग्रेस ९ जागांवर आघाडीवर आहे. पत्रकार गौरी लंकेश हत्या प्रकरणातला आरोपी श्रीकांत पांगारकर हा प्रभाग क्रमांक १३मधून अपक्ष म्हणून विजयी झाला आहे.
नागपूर महानगरपालिकेच्या एकूण १५१ जागांपैकी भाजपा ७४ जागांवर आघाडीवर असून काँग्रेसच्या उमेदवारांनी ३८ जागांवर आघाडी घेतली आहे. राष्ट्रवादी काँग्रेस ७ तर शरद पवार यांचा पक्ष ६ जागांवर आघाडीवर आहेत. उद्धव ठाकरे यांच्या पक्षानं ५ जागांवर आघाडी घेतली आहे. नागपूर महानगर पालिका निवडणुकीत आम आदमी पार्टीचेही ६ उमेदवार आघाडीवर आहेत. एम आय एम आणि मनसे एक एका जागेवर आघाडीवर आहेत
अमरावती महानगरपालिकेच्या एकूण ८७ जागांपैकी काँग्रेस ३७ जागांवर आघाडीवर आहे. तर भाजपा १४ जागांवर आघाडीवर आहे. बहुजन समाजवादी पार्टी, युवा स्वाभिमानी पक्ष आणि राष्ट्रवादी काँग्रेस या पक्षांचे प्रत्येकी ३ उमेदवार आघाडीवर आहेत. उद्धव ठाकरे पक्षाचा एक उमेदवार आघाडीवर आहे. एमआयएम पक्षानं ९ जागांवर आघाडी घेतली आहे.
अकोला महानगरपालिकेच्या एकूण ८० जागांपैकी भारतीय जनता पार्टीनं २२ जागांवर विजय मिळवला असून काँग्रेसनं ६ जागांवर विजय मिळवला आहे. शिवसेना उद्धव ठाकरे एका जागेवर तर शिवसेनेनं एका जागेवर विजय मिळवला आहे. राष्ट्रवादी शरद्चंद्र पवार पक्ष ४ तर अजित पवार गट २ जागांवर आघाडीवर आहे. वंचित बहूजन आघाडीचे ५ उमेदवार विजयी झाले आहेत.
चंद्रपूर महानगरपालिकेच्या ६६ जागांपैकी १२ जागांवर भाजपा विजयी झाला असून काँग्रेसनं जनविकास पक्षासह एकूण १५ जागांवर विजय मिळवला आहे. उद्धव ठाकरे यांच्या पक्षालाही ५ जागा मिळाल्या आहेत. अन्य पक्षांचे ३ उमेदवार विजयी झाले आहेत.
