मंगळूर विद्यापीठात झालेल्या अखिल भारतीय आंतर विद्यापीठ क्रॉसकंट्री स्पर्धेत मुंबई विद्यापीठाच्या राज तिवारी या खेळाडूनं उल्लेखनीय कामगिरी करत सुवर्ण पदक पटकावलं. तिवारीनं ३० मिनिटं ५९ सेकंद वेळ देत वैयक्तिक सुवर्णपदक मिळवलं. मुंबई विद्यापीठानं क्रॉसकंट्री स्पर्धेत पहिल्यांदाच वैयक्तित गटात सुवर्ण पदक तर पुरुष संघाचं उपविजेतेपद पटकवलं आहे. मुंबई विद्यापीठाचे कुलगुरू प्रा. रवींद्र कुलकर्णी यांनी स्पर्धेत सहभागी झालेल्या संघाचं अभिनंदन केलं.