देशातल्या शेअर बाजार आठवडाभर सुरू असलेली घसरण आजही कायम राहिली. या आठवडाभरात सेन्सेक्स ४ हजारांहून अधिक आणि निफ्टी सुमारे बाराशे अंकांनी घसरला आहे. जागतिक बाजारातली घसरण, फेडरल रिझर्व्हकडून व्याजदर कपातीचा अपेक्षेपेक्षा कमी वेग यामुळं ही घसरण झाल्याचं विश्लेषकांचं मत आहे.
दिवसअखेर सेन्सेक्स १ हजार १७६ अंकांनी घसरुन ७८ हजार ४२ अंकांवर बंद झाला. राष्ट्रीय शेअर बाजाराचा निफ्टीही ३६४ अंकांची घसरण नोंदवत, २३ हजार ५८८ अंकांवर बंद झाला.