मुंबईतल्या ‘बेस्ट’ बस सेवेला आर्थिक सहाय्य करण्याची मागणी शिवसेना उद्धव बाळासाहेब ठाकरे पक्षाचे आमदार आदित्य ठाकरे यांनी महानगरपालिकेचे आयुक्त भूषण गगराणी यांना पत्रद्वारे केली आहे. गेल्या दोन वर्षांत बेस्टकडे प्रशासन दुर्लक्ष करत असल्याचा आरोपही ठाकरे यांनी केला. बेस्ट बसची भाडेवाढ करू नये, कर्मचाऱ्यांना वेतन आणि निवृत्तीवेतन वेळेवर मिळावं आणि बसच्या संख्येतली नियोजित वाढ तातडीन अमलात आणावी अशा मागण्याही ठाकरे यांनी या पत्राद्वारे केल्या आहेत.
