मिरा-भाईंदर महानगरपालिका निवडणुकीसाठी भाजपनं काल जाहीरनामा प्रसिद्ध केला. १०० नवे काँक्रीट रस्ते, ३०० खाटांचं पालिका रुग्णालय, प्रदूषणमुक्तीसाठी उपाययोजना इत्यादी आश्वासनं भाजपानं या जाहीरनाम्यातून दिली आहेत. मुख्यमंत्री देवेंद्र फडणवीस, भाजप प्रदेशाध्यक्ष रवींद्र चव्हाण आणि स्थानिक आमदार नरेंद्र मेहता यांच्या उपस्थितीत हा जाहीरनामा प्रसिद्ध करण्यात आला. मिरा-भाईंदरमध्ये भाजप आणि शिवसेना स्वतंत्र लढत आहेत.