पुरुषांच्या आशियाई हॉकी चषक स्पर्धेत उद्या भारत आणि पाकिस्तान यांच्यात सामना होणार आहे. चीनमधल्या मोकी इथल्या मैदानावर होणारा हा सामना, या स्पर्धेतला भारताचा पाचवा सामना आहे. यापूर्वी भारतीय संघानं चीनला ३-०, जपानला ५-१, मलेशियाला ८-१ आणि कोरियाला ३-१ असं नमवलं आहे. गुणतालिकेत पहिलं स्थानी असलेल्या भारताचं उपांत्य फेरीतलं स्थान निश्चित झालंय. पाकिस्ताननं आतापर्यंत स्पर्धेतले २ सामने जिंकले असून २ बरोबरीत सोडवले आहेत. गुण तालिकेत पाकिस्तान दुसऱ्या स्थानी आहे.