क्वालालंपूर इथं सुरु असलेल्या मलेशिया मास्टर्स बॅडमिंटन स्पर्धेच्या पुरुष एकेरीत भारताच्या किदम्बी श्रीकांतनं आज अंतिम फेरीत प्रवेश केला आहे. त्यानं उपांत्य फेरीत जपानच्या युशी तनाका याचा २१-१८, २४-२२ असा पराभव केला. या विजयाने श्रीकांत यावर्षी बॅडमिंटन स्पर्धेच्या अंतिम फेरीत प्रवेश करणारा पहिला भारतीय बॅडमिंटनपटू ठरला आहे. अंतिम फेरीत श्रीकांतचा सामना उद्या चीनच्या ली शि फेंग याच्याशी होणार आहे.