उत्तराखंडमध्ये सुरू असलेल्या ३८व्या राष्ट्रीय क्रीडा स्पर्धांमध्ये महाराष्ट्राने सर्वाधिक ८२ पदकांची कमाई केली आहे. त्यात १६ सुवर्ण, ३५ रौप्य आणि ३१ कास्यपदकांचा समावेश आहे. पदकतालिकेत महाराष्ट्र चौथ्या स्थानी घसरला असून मध्य प्रदेशनं १७ सुवर्णपदकांसह तिसऱ्या स्थानी झेप घेतली आहे. कर्नाटक २८ सुवर्णपदकं जिंकून पहिल्या स्थानावर, तर सेना दल संघ २७ सुवर्णपदकांसह दुसऱ्या स्थानावर कायम आहे. पाचव्या स्थानावर हरयाणाचा संघ आहे. यजमान उत्तराखंडचा संघ ४ सुवर्णपदकांसह पदकतालिकेत पंधराव्या स्थानावर आहे.