महाराष्ट्र राज्य सहकारी संघाच्या २०२५-३० या पंचवार्षिक निवडणुकीसाठी सहकार पॅनेलनं आपले उमेदवार घोषित केले आहेत. आमदार प्रविण दरेकर, राज्य सहकारी संघाचे नेते संजय कुसाळकर आणि शिवाजीराव नलावडे या पॅनलचं नेतृत्व करत आहेत. मतदान होण्यापूर्वीच या पॅनेलचे प्रविण दरेकर, गुलाबराव मगर आणि प्रकाश दरेकर हे उमेदवार बिनविरोध निवडून आले आहेत. शिक्षण-प्रशिक्षण देणाऱ्या संघात समन्वयानं काम करण्याच्या मुख्यमंत्र्यांच्या सूचनेनुसार कुसाळकर आणि दरेकर ही निवडणूक एकत्र लढवत आहेत.