गेल्या १० वर्षांत देशभरात ९७ नव्या इएसआय रूग्णालयांना मान्यता दिल्याची माहिती केंद्रीय श्रम आणि रोजगार राज्यमंत्री शोभा करंदलाजे यांनी आज लोकसभेत लेखी उत्तरात दिली. देशातल्या १६५ इएसआय रूग्णालयांमध्ये तसंच ५९० दवाखान्यांमध्ये विमा सुरक्षेखाली येणाऱ्या कर्मचाऱ्यांना आणि त्यांच्या कुटुंबांना कर्मचारी राज्य विमा महामंडळ अर्थात इएसआयसी  समावेशक वैद्यकीय सेवा देत आहे.  आयुषमान भारत प्रधानमंत्री जन आरोग्य योजनेच्या सहकार्यातून इएसआयसी वैद्यकीय सेवा पुरवणार असल्याचं त्यांनी सांगितलं.