लडाखमध्ये आज विकसित कृषी संकल्प अभियानाच्या बसला हिरवा झेंडा दाखवण्यात आला. ही बस दोन आठवडे लडाख जिल्ह्यात फिरणार असून त्याद्वारे शेतकऱ्यांना खरीपपूर्व मार्गदर्शन करण्यात येणार आहे. या बसच्या माध्यमातून दरदिवशी दीडशे शेतकऱ्यांना मार्गदर्शन करण्यात येणार असून लडाखच्या २५ हजार शेतकऱ्यांना त्याचा लाभ होणार आहे. या बसच्या माध्यमातून संशोधक, तांत्रिक सल्लागार आणि वरिष्ठ अधिकारी मार्गदर्शन करणार आहेत.