ज्येष्ठ क्रीडापत्रकार सुहास जोशी, खेळाडू विजया नर आणि विलास दळवी यांना पॉवरलिफ्टिंग असोसिएशननं नुकतंच जीवन गौरव पुरस्कारानं सन्मानित केलं. विलास दळवी यांनी राष्ट्रीय स्पर्धेत अनेकदा पॉवरलिफ्टिंग खेळामध्ये पुरस्कार मिळवले आहेत. महाराष्ट्र शासनाच्या सेवानिवृत्त कक्ष अधिकारी आणि शिवछत्रपती पुरस्कार विजेत्या विजया नर यांनीही पॉवरलिफ्टिंग खेळात आंतरराष्ट्रीय पदकं मिळवली आहेत. क्रीडा पत्रकारितेसाठी हा पुरस्कार प्रथमच देण्यात आला आहे.