जम्मू-काश्मीर आणि हरियाणा पोलिसांच्या पथकानं हरियाणातल्या फरीदाबादमधून मोठ्या प्रमाणावर स्फोटकं, शस्त्रास्त्रं आणि दारूगोळा जप्त केला. या प्रकरणी एका संशयिताला ताब्यात घेतल्याची माहिती फरीदाबादचे पोलीस आयुक्त सतेंदर कुमार गुप्ता यांनी दिली. १ असॉल्ट रायफल, तीन मॅगझीन्स, आठ जिवंत काडतुसांसह एक पिस्तूल, २ रिकामी काडतुसं, दोन अतिरिक्त मगॅझीन्स, तसंच ८ मोठ्या सूटकेस, ४ लहान सूटकेस आणि एका बादलीत ठेवलेले सुमारे साडेतीनशे किलो ज्वालाग्रही पदार्थ जप्त केल्याचंही त्यांनी सांगितलं.