इराणमध्ये सुरू असलेल्या देशव्यापी सरकारविरोधी निदर्शनांना आज चौदा दिवस पूर्ण झाले असून, या हिंसाचारातल्या मृतांची संख्या आता 116 वर पोहोचली आहे. इंटरनेट आणि फोन सेवा खंडित असूनही निदर्शनं सुरूच आहेत अशी माहिती, अमेरिकेतल्या मानवाधिकार संघटनांनी दिली आहे. आतापर्यंत २,६०० हून अधिक आंदोलकांना ताब्यात घेण्यात आलं आहे. इराणमधल्या या आंदोलनांना पाठिंबा देण्यासाठी युरोपातल्या अनेक शहरांमध्येही आज मोठ्या फेऱ्या काढण्यात आल्या.