या अर्थसंकल्पात शेतमालाच्या हमीभावासंबधी तरतूद नाही, शेती साहित्यावर आकारला जाणारा १८ टक्के जीएसटी कमी करण्याबाबत, शेतकऱ्याच्या उत्पन्नवाढीबाबत तसंच मनरेगाबाबतही काही उल्लेख नाही याकडे लक्ष वेधत काँग्रेस प्रदेशाध्यक्ष नाना पटोले यांनी अर्थसंकल्पावर टीका केली. पाच वर्षात एक कोटी तरुणांना इंटर्नशिपची दिलेली संधी म्हणजे काँग्रेसच्या न्यायपत्राची नक्कल असल्याचं सांगत अर्थसंकल्पात रोजगार निर्मितीबाबत ठोस धोरण नाही असं पटोले म्हणाले.