पालघर जिल्ह्यातल्या वसई-विरार शहर महानगरपालिकेच्या वतीनं आज निळ्या आकाशासाठी स्वच्छ हवेचा आंतरराष्ट्रीय दिन साजरा करण्यात आला. पंधराव्या वित्त आयोगातल्या राष्ट्रीय शुद्ध हवा कार्यक्रमांतर्गत या दिनाचं आयोजन केलं होतं. या कार्यक्रमांतर्गत विरारमधल्या म्हाडा मैदानात वृक्षरोपण करण्यात आलं. तसचं ‘एक पेड माँ के नाम’ ही मोहिम राबवण्यासाठी आयुक्तांच्या हस्ते स्थानिक स्वयंसेवी संस्था, महिला बचत गटाच्या प्रतिनिधी आदींना रोपांचं वाटप करण्यात आलं.