कोकण, गोवा, कर्नाटक आणि केरळमधे आजपासून २४ मे पर्यंत जोरदार ते अति जोरदार पाऊस पडण्याचा अंदाज हवामान विभागानं वर्तवला आहे. ईशान्य भारत, पश्चिम बंगालमधील हिमालयाचा पायथा, सिक्किम मधे पुढच्या पाच ते सहा दिवसांत विजांचा कडकडाट आणि मेघगर्जनेसह पाऊस पडण्याची शक्यता आहे.
पश्चिम राजस्थान आणि जम्मू काश्मीरमधे गुरुवारपर्यंत उष्णतेची लाट येण्याची शक्यता आहे. ओदिशामधेही आज आणि उद्या उष्ण आणि दमट हवामान राहण्याचा अंदाज आहे.
