पुढचे १०० जन्मसुद्धा रजनीकांत म्हणूनच मिळाले, तर आवडेल, अशी प्रतिक्रिया प्रख्यात अभिनेते रजनीकांत यांनी आज दिली. चित्रपटसृष्टीतल्या योगदानाबद्दल इफ्फी, अर्थात भारतीय आंतरराष्ट्रीय चित्रपट महोत्सवाच्या समारोप समारंभात रजनीकांत यांचा आणि प्रख्यात दिग्दर्शक व्ही. शांताराम यांचा विशेष सन्मान झाला. याबद्दल रजनीकांत यांनी केंद्र सरकारचे आभार मानले. यंदाच्या इफ्फी मध्ये पहिल्यांदाच ५० महिला दिग्दर्शकांच्या चित्रपटांचं प्रदर्शन झालं, असं माहिती आणि प्रसारण राज्यमंत्री डॉक्टर एल. मुरुगन यावेळी म्हणाले.
५६व्या भारतीय आंतरराष्ट्रीय चित्रपट महोत्सवात ‘अ यूजफुल घोस्ट’ हा शेवटचा चित्रपट दाखवला गेला. गोव्याचे मुख्यमंत्री प्रमोद सावंत, सचिव संजय जाजू, महोत्सवाचे संचालक शेखर कपूर यांच्यासह विविध मान्यवर आणि मनोरंजन क्षेत्रातले कलाकारांच्या उपस्थितीत इफ्फीचा समारोप होत आहे. उत्कृष्ट वेब सीरिजचा पुरस्कार यंदा ‘बंदिश बँडिट्स २’ ला देण्यात आला. प्रतिष्ठेचं आयसीएफटी-युनेस्को गांधी पदक, एरिक स्वेनसन दिग्दर्शित ‘सेफ हाऊस’ या चित्रपटानं पटकावलं. महोत्सवातल्या सर्वोत्कृष्ट चित्रपटाला मानाचा सुवर्णमयूर पुरस्कार, तर दुसऱ्या क्रमांकाच्या चित्रपटाला रौप्यमयूर पुरस्कार यावेळी प्रदान करण्यात येईल.
सर्वोत्कृष्ट चित्रपट दिग्दर्शकाचा पुरस्कार संतोष डावखर यांना ‘गोंधळ’ या चित्रपटाला, प्रतिष्ठित सुवर्णमयुर पुरस्कार ‘स्किन ऑफ युथ’ या चित्रपटाला, तर प्रतिष्ठित सुवर्णमयुर पुरस्कार ‘स्किन ऑफ युथ’ या चित्रपटाला जाहीर झाला.
