गोव्यात सुरू असलेल्या 56 व्या भारतीय आंतरराष्ट्रीय चित्रपट महोत्सव अर्थात इफ्फी सोहळ्यात आज एआय हॅकेथॉनचं आयोजन करण्यात आलं आहे. इफ्फीच्या इतिहासात प्रथमच अशा उपक्रमाचं आयोजन करण्यात आलं असून, चित्रपट क्षेत्रातील तज्ज्ञ आणि तंत्रज्ञान तज्ज्ञ एकत्र येऊन नावीन्यपूर्ण एआय-आधारित प्रणाली तयार करणार आहेत. दरम्यान वेव्हज फिल्म बाजार सध्या चित्रपट निर्माते आणि कलाकारांच्या आकर्षणाचं केंद्र आहे. आज या सोहळ्यात ‘फ्यूम ओ मोर्टे’ हा चित्रपट दाखविण्यात येणार आहे, आज प्रदर्शित होणारा पहिला जपानी चित्रपट ‘टू स्ट्रेंजर्स, टू सीझन्स’ आहे. चित्रपट निर्माते आणि संपादक राजू हिरानी आज एडिटिंग या विषयावर मार्गदर्शन करणार आहेत.