गोव्यात पणजी इथं आज माहिती आणि प्रसारण राज्यमंत्री डॉ. एल मुरुगन यांनी ५६ व्या इफ्फी अर्थात आंतरराष्ट्रीय भारतीय चित्रपट महोत्सवात वेव्हज फिल्म बाजारचं उद्घाटन केलं. जगभरातले चित्रपट दिग्दर्शक, निर्माते, विक्रेते, महोत्सव आयोजक तसंच वितरक या महोत्सवात एका छताखाली येतात. हा फिल्म बाजार युवकांसाठी आणि नव्या निर्मात्यांसाठी एक व्यासपीठ उपलब्ध करून देतो आणि भारतीय चित्रपट कथांचं जगासमोर सादरीकरण करतो असं मत मुरूगन यांनी व्यक्त केलं. माहिती आणि प्रसारण सचिव संजय जाजू यावेळी उपस्थित होते. २४ नोव्हेंबरपर्यंत फिल्म बाजार चालणार आहे.