शारजा इथं आज सुरु झालेल्या महिलांच्या आयसीसी टी-ट्वेंटी क्रिकेट विश्वचषक स्पर्धेत सलामीच्या सामन्यात बांगलादेशानं स्कॉटलंडवर १६ धावांनी विजय मिळवला.
नाणेफेक जिंकून प्रथम फलंदाजी करताना बांगलादेशानं निर्धारित २० षटकात ७ गडी गमावून ११९ धावा केल्या. स्कॉटलंडतर्फे सस्किया होर्लेनं ३ बळी घेतले. विजयासाठी १२० धावांच्या लक्ष्याचा पाठलाग करताना स्कॉटलंडला ७ गडी गमावून १०३ धावाच करता आल्या. स्कॉटलंडतर्फे १५ धावात २ बळी मिळवणारी रितू मोनी, सामन्यातली सर्वोत्कृष्ट खेळाडू ठरली.
येत्या २० ऑक्टोबरपर्यंत चालणाऱ्या या स्पर्धेत दहा संघ उतरले आहेत. भारताचा पहिला सामना उद्या न्यूझीलंडसोबत होणार आहे.