आयसीसी चॅम्पियन्स करंडक क्रिकेट स्पर्धेत आज दक्षिण आफ्रिकेच्या संघाचा सामना ऑस्ट्रेलियाशी होणार आहे. पाकिस्तानमध्ये रावळपिंडी मैदानावर होणारा हा सामना दुपारी अडीच वाजता सुरू होईल. याच स्पर्धेत काल झालेल्या सामन्यात न्यूझीलंडनं बांगलादेशवर ५ गडी राखून विजय मिळवला. या विजयामुळे पाकिस्तान आणि बांगलादेश हे दोन्ही संघ या स्पर्धेतून बाहेर पडले आहेत, तर भारत आणि न्यूझीलंडने उपांत्य फेरीतलं आपलं स्थान निश्चित केलं आहे. अ गटात आतापर्यंत झालेल्या सामन्यांमध्ये, दोन विजयांसह भारत आणि न्यूझीलंडचे प्रत्येकी चार गुण आहेत. भारत आणि न्यूझीलंड यांच्यातला पुढचा सामना २ मार्च रोजी होणार आहे.