भारत आणि दक्षिण आफ्रिका यांच्या दरम्यानच्या तीन सामन्यांच्या हॉकी मालिकेच्या पहिल्या सामन्यात काल भारतानं दक्षिण आफ्रिकेवर ५-२ अशी मात केली. शैलानंद लकरा, आदित्य ललगे, अमित रोहिदास, हरमनप्रीत सिंह आणि दिलप्रीत सिंह यांनी भारतासाठी गोल केले. मालिकेतला दुसरा सामना आज रात्री साडेआठ वाजता केपटाऊन इथं होणार आहे. जागतिक क्रमवारीत भारत सध्या सातव्या, तर दक्षिण आफ्रिका १२व्या स्थानावर आहे.