मध्य प्रदेश, उत्तर प्रदेश आणि राजस्थानमध्ये आज मुसळधार पावसाचा अंदाज भारतीय हवामान विभागाने वर्तवला आहे. हरियाणा, चंदिगड, नागालँड, मणिपूर, मिझोराम, त्रिपुरा आणि अंदमान-निकोबार बेटांच्या काही भागांमध्येही मुसळधार पाऊस होईल. आज संध्याकाळपर्यंत मध्य प्रदेशचा उत्तर भाग आणि उत्तर प्रदेशाच्या काही भागात ताशी साठ किलोमीटर वेगानं वादळी वारे वाहण्याची शक्यताही हवामान विभागानं वर्तवली आहे.