जीएसटी करप्रणालीत केलेल्या सुसुत्रीकरणानंतर ऑक्टोबर महिन्यातल्या जीएसटी संकलनानं गेल्या वर्षीच्या याच कालावधीच्या तुलनेत ४ पूर्णांक सहा दशांश टक्के इतकी वाढ नोंदवली आहे. या सणासुदीच्या काळात १ लाख ९५ हजार कोटी इतकं जीएसटी संकलन झालं आहे.  आर्थिक वर्ष २०२६ च्या पहिल्या सहामाहीत अर्थात एप्रिल ते ऑक्टोबर या कालावधीत गेल्या वर्षीच्या याच कालावधीच्या तुलनेत ९ टक्क्यांनी वाढ झाली असून ते १२ लाख ७४ हजार कोटी रुपये इतकं झालं आहे. याशिवाय ऑक्टोबरमध्ये  सलग दहाव्या महिन्यात जीएसटी संकलन १ लाख ८ हजार कोटी रुपयांपेक्षा अधिक राहिलं आहे.