वस्तू आणि सेवा कर परिषदेने या कराच्या रचनेत नुकतेच क्रांतिकारी बदल केले. वाहतुकीवरचा खर्च कमी करण्याच्या उद्देशाने सरकारने वाहन आणि वाहतुकी संदर्भातल्या इतर आवश्यक घटकांवरच्या करात घट केली आहे.
त्यानुसार, १० आणि त्यापेक्षा जास्त आसन संख्या असलेली खासगी वाहनं, बाराशे सीसी पेक्षा कमी इंजिन क्षमता असलेली पेट्रोल, एलपीजी किंवा सीएनजी वाहनं तसंच दुहेरी इंधन क्षमतेची वाहनं, पंधराशे सीसी पेक्षा कमी इंजिन क्षमता असलेली डिझेलवर चालणारी वाहनं, अद्ययावत रुग्णवाहिकेसाठी लागणारं साहित्य, रिक्षा, वस्तुंची वाहतूक करणारी वाहनं यांवरचा जीएसटी २८ टक्क्यावरून १८ टक्के करण्यात आला आहे. शेतकऱ्यांना उपयोगी ठरणाऱ्या ट्रॅक्टरच्या निर्मितीसाठी लागणाऱ्या साहित्यावरचा कर १८ टक्क्यावरून ५ टक्के करण्यात आला आहे.
संरक्षण क्षेत्रात वापरले जाणारे रणगाडे आणि तत्सम संरक्षक वाहनं आणि त्यांच्यातल्या साहित्यावरचा तसंच, शेतीसाठी लागणारे स्वयंचलित ट्रेलर्स, बैल किंवा घोडागाडी यांच्यावरचा कर १२ टक्क्यावरून ५ टक्के करण्यात आला आहे.