संसदेच्या अर्थसंकल्पीय अधिवेशनाच्या पार्श्वभूमीवर केंद्र सरकारनं येत्या रविवारी सर्वपक्षीय बैठक बोलावली आहे. अर्थसंकल्पीय अधिवेशन सुरळीत व्हावं यासाठी सत्ताधारी विरोधी पक्षांकडून या बैठकीत सहकार्य मागणार आहेत. येत्या २२ तारखेपासून हे अधिवेशन सुरू होणार आहे. १२ ऑगस्टला त्याची सांगता होईल. २३ जुलै रोजी अर्थमंत्री संसदेत अर्थसंकल्प मांडतील. तिसऱ्या वेळी प्रधानमंत्रीपदाची शपथ घेतल्यानंतर नरेंद्र मोदी यांच्या सरकारचा हा पहिलाच अर्थसंकल्प आहे.