मुंबई महानगर प्रदेश विकास प्राधिकरण म्हणजे MMRDA ने घाटकोपर पूर्व भागातल्या पंतनगर बस स्थानकावर स्टील स्पॅन बसवण्याचं महत्वाचं काम पूर्ण केलं. या स्पॅनची लांबी ५८ मीटर आणि वजन साडेचारशे टन होतं आणि शंभरहून अधिक कामगार, आवश्यक सुरक्षा कर्मचारी, अभियंते यांनी पाच स्टील गर्डर्सवर तो बसवण्याचं काम यशस्वीपणे पार पाडलं. हा स्पॅन बसवल्यानंतर वडाळा ते कासारवडवलीपर्यंत जाणाऱ्या  मेट्रो मार्ग चारचे काम साडेचौऱ्याऐशी टक्के पूर्ण झालं आहे.