राज्य महोत्सव म्हणून यंदाचा गणेशोत्सव धूमधडाक्यात साजरा केला जाईल, असं राज्याचे सांस्कृतिक मंत्री आशिष शेलार यांनी म्हटलं आहे. पेणमध्ये हमरापूर, जोहे, कळवे या गावातील मुर्तीकारांच्या विविध संघटनांच्या वतीनं आज शेलार यांचा तांबडशेत इथं सत्कार केला गेला त्यावेळी ते बोलत होते. पीओपीच्या मूर्तींवरच्या बंदीबाबत ठरवून षडयंत्र केलं गेलं, यामागे महाविकास आघाडीचा हात होता, मात्र भाजपानं याविरोधात मुर्तिकारांच्या सोबतीनं न्यायालयासह विविध पातळ्यांवर लढा दिला असं ते म्हणाले.