आत्मसमर्पण केलेल्या नक्षल्यांसाठी पोलिस दलानं आज विपश्यना शिबराचं आयोजन केलं आहे. या शिबिरात हिंसेचा मार्ग सोडून आत्मसमर्पण केलेल्या १०२ जणांनी सहभागी होऊन ध्यानसाधनेद्वारे जीवनात सकारात्मक बदल घडवून आणण्याचे धडे गिरवले. नक्षल्यांच्या जीवनात सकारात्मक बदल घडावेत यासाठी गडचिरोलीतल्या पोलीस मुख्यालयाच्या सभागृहात विपश्यना शिबिर आयोजित करण्यात आलं होतं.