गडचिरोली जिल्ह्यात आज नक्षलवाद्यांशी झालेल्या चकमकीत एक जवान शहीद झाला. भामरागड तालुक्यातल्या दिरंगी आणि फुलणार गावांच्या जंगलात नक्षलवाद्यांनी छावणी उभारल्याची माहिती मिळाल्यानंतर सी-६० पथकाच्या १८ आणि जलद प्रतिसाद पथकाच्या २ तुकड्यांनी काल त्या भागात नक्षलविरोधी अभियान सुरु केलं होतं. या अभियानादरम्यान पोलिसांनी नक्षलवाद्यांचा तळ उद्ध्वस्त केला असून, नक्षल साहित्य ताब्यात घेतलं आहे.