गडचिरोली जिल्ह्यातल्या एटापल्ली तालुक्यात सुरजागड इथल्या ठाकूरदेव यात्रेत आसपासच्या ७० गावातल्या  नागरिकांनी जल, जंगल आणि जमिनीचे संवर्धन करण्याचा संकल्प सोडला. दरवर्षी ५ ते ७ जानेवारी असे तीन दिवस ही यात्रा भरते. यंदाच्या यात्रेतही हजारो आबालवृद्ध सहभागी झाले होते. घटस्थापना झाल्यानंतर ठाकूरदेवाची महापूजा आणि गडचढाई करण्यात आली, तसेच ध्वजारोहणही पार पडलं.  रात्री पारंपरिक रेला नृत्य आणि इतर सांस्कृतिक कार्यक्रम झाले.