प्रधानमंत्री नरेंद्र मोदी, जी-ट्वेंटी देशांच्या शिखर परिषदेत आज सहभागी होतील. ऐकूया याविषयी अधिक माहिती.
(प्रधानमंत्र्यांचं काल जोहान्सबर्ग इथं जंगी स्वागत झालं, भारतीय समुदाय उत्साहाने त्यांच्या स्वागतासाठी जमला होता.जी ट्वेंटी देशांच्या नेत्यांची शिखर परिषद आजपासून दक्षिण आफ्रिकेत जोहान्सबर्ग इथं सुरु होत आहे. ‘ऐक्य, समानता, शाश्वतता’ ही यंदाच्या जी-ट्वेंटी परिषदेची संकल्पना आहे. २०२३ मधे अध्यक्षपद भारताकडे असताना दक्षिण आफ्रिकेला या संघटनेचं सदस्यत्व मिळालं.
तीन दिवस चालणाऱ्या या शिखर परिषदेत, प्रधानमंत्री मोदी सर्व सत्रांना उपस्थित राहतील आणि जागतिक दक्षिण चिंता, शाश्वत विकास, हवामान कृती, ऊर्जा संक्रमण आणि जागतिक प्रशासनातील सुधारणांसह भारताच्या प्रमुख प्राधान्यक्रमांचं सादरीकरण करतील.
या परिषदेच्या निमित्ताने जोहान्सबर्गमधे जमलेल्या जागतिक नेत्यांशी ते द्विपक्षीय चर्चा करत आहेत. ऑस्ट्रेलियाचे प्रधानमंत्री अँथनी अल्बानीज यांची भेट घेतली. संरक्षण, महत्त्वाची खनिजे, शिक्षण, व्यापार आणि गुंतवणूक यासह विविध क्षेत्रांमध्ये द्विपक्षीय सहकार्य मजबूत करण्यावर दोन्ही नेत्यांनी चर्चा केली. पंतप्रधान मोदी यांनी दक्षिण आफ्रिकेतील बहुराष्ट्रीय इंटरनेट आणि तंत्रज्ञान कंपनी, नॅस्पर्सच्या वरीष्ठ पदाधिकाऱ्यांशी बैठक घेत स्टार्टअप आणि अवकाश क्षेत्रात गुंतवणूकीसह विविध विषयांवर चर्चा केली.)
वसुधैव कुटुंबकम् – एक पृथ्वी, एक कुटुंब, एक भविष्य या तत्वावर आधारित भारताची मूल्य आणि सांस्कृतिक वारसा यांचं दर्शन प्रधानमंत्र्याच्या सहभागतून घडणार आहे.
