भारतातर्फे सर्वपक्षीय संसद सदस्यांची शिष्टमंडळं विविध देशांना भेट देऊन देशाची बाजू मांडणार आहेत. या पार्श्वभूमीवर परराष्ट्र सचिव विक्रम मिसरी आज संसदेत संसद सदस्यांना ऑपरेशन सिंदूर संदर्भात माहिती देणार आहेत. असे सात शिष्टमंडळं विविध देशात जाणार आहेत. या दौऱ्यात शिष्टमंडळाचे सदस्य पाकिस्तान पुरस्कृत दहशतवाद आणि भारताने राबवलेले ऑपरेशन सिंदूर विषयी माहिती देणार आहेत. आपल्या या दौऱ्यात ही शिष्टमंडळं संयुक्त राष्ट्रसंघाच्या सुरक्षा समितीच्या सदस्य देशांनाही भेटणार आहेत.