परभणी येथे विभागस्तरीय युवा महोत्सवाला युवकांचा उत्स्फुर्त प्रतिसाद लाभला. जिल्हाधिकारी रघुनाथ गावडे यांच्या हस्ते या महोत्सवाचं उद्घाटन झालं. या महोत्सवात लोकनृत्य, लोकगीत, चित्रकला, वक्तृत्व, कौशल्य विकास, कविता वाचन, कथालेखन, तसंच विज्ञान आणि तंत्रज्ञानातल्या नव संकल्पना इत्यादी विविध प्रकारात स्पर्धा झाल्या, विजेत्यांना प्रमाणपत्र तसंच सन्मानचिन्ह देऊन गौरवण्यात आलं. हे विजेते कलाकार येत्या १२ डिसेंबरला नांदेड इथं होणाऱ्या राज्य युवा महोत्सवात सहभागी होत आहेत.