हंगेरी वंशाचे ब्रिटिश लेखक डेविड सॅले यांच्या फ्लेश या कादंबरीला २०२५ चा प्रतिष्ठित असा बुकर पुरस्कार जाहीर झाला. लंडनमध्ये काल झालेल्या कार्यक्रमात या पुरस्काराची घोषणा झाली. रोख ५० हजार पाऊंड असं या पुरस्काराचं स्वरुप आहे.
सॅले यांच्या फ्लेश या कादंबरीतून हंगेरीतील हाऊसिंग इस्टेटपासून लंडनमधील श्रीमंत वर्गाच्या आलिशान हवेल्यांपर्यंत अनेक दशकांचा प्रवास चित्रीत करण्यात आला आहे. कादंबरीच्या कथानकात भावनिकदृष्ट्या तुटलेल्या आणि उदासीन अशा व्यक्तीच्या जीवनप्रवासाचं चित्रण करण्यात आलं आहे. सॅले यांचं नाव २०१६ मध्ये त्यांच्या ‘ऑल दॅट मॅन इज’ या कादंबरीचा बुकर पुरस्काराच्या अंतिम यादीत समावेश झाला होता.
