सायबर फसवणूक प्रकरणी छत्तीसगड पोलिसांनी एक मोठी मोहीम राबवत ६२ जणांना अटक केली आहे. या मोहिमेत छत्तीसगड, राजस्थान आणि ओदिशा या राज्यांमधल्या सुमारे ४० ठिकाणांवर पोलिसांनी छापे घातले. त्यात अटक केलेल्यांमधे नायजेरियाच्या तीन नागरिकांचा समावेश आहे. ऑपरेशन सायबर शिल्ड या नावानं राबवलेल्या या मोहिमेत १०० पेक्षा जास्त पोलीस अधिकारी-कर्मचाऱ्यांचा सहभाग होता, असं रायपूर परिक्षेत्राचे पोलीस महानिरीक्षक अमरेश मिश्रा यांनी सांगितलं.