२०२७मधे सुरु होणाऱ्या जनगणनेच्या दृष्टीनं प्रशासनाची  तयारी सुरु झाली असल्याची माहिती केंद्रसरकारने आज लोकसभेत दिली. केंद्रीय गृह राज्य मंत्री नित्यानंद राय यांनी एका लेखी उत्तरात सांगितलं की गेल्या ३ आणि ४ जुलै रोजी नवी दिल्ली इथं संबंधित अधिकाऱ्यांची परिषद झाली. त्यात जनगणनेच्या प्रक्रीयेबाबत चर्चा झाली. त्यात प्रशासकीय आस्थापना निश्चित करणं, मोबाईल ॲपद्वारे माहिती गोळा करणं, आणि इतर कार्यपद्धतीचा समावेश होता.