मुंबई महापालिका निवडणूकीचा महायुतीचा वचननामा आज मुंबईत प्रकाशित करण्यात आला. यानिमित्त आयोजित वार्ताहर परिषदेला मुख्यमंत्री देवेंद्र फडनवीस, उपमुख्यमंत्री एकनाथ शिंदे, तसंच रिपब्लिकन पार्टी ऑफ इंडीया आठवले गटाचे अध्यक्ष केंद्रीय मंत्री रामदास आठवले उपस्थित होते. कचरामुक्त मुंबईसह मुंबईचा पाणी प्रश्न मिटवून मिठी नदी स्वच्छ करण्याचं काम केलं जाईल असं मुख्यमंत्री फडनवीस यांनी यावेळी सांगितलं….
होल्ड- बाईट- मुख्यमंत्री (२४ सेकंद)
बेस्ट बस आणि मेट्रोचं जाळं वाढवण्यासह आरोग्य क्षेत्रात भरीव काम करणार असल्याचं सांगून,मुंबईत राहणारा मराठी माणूस बाहेर जणार नाही याची खबरदारी घेणार असल्याचं मुख्यमंत्री म्हणाले.
यावेळी उपमुख्यमंत्री शिंदे यांनी, बाळासाहेब ठाकरे जन्मशताब्दी निमित्त वैद्यकीय विद्यापीठ तयार करणार, तसंच लघु उद्योजकांना पाच लाख रुपये बिनव्याजी कर्ज देणार असल्याचं सांगितलं….
नागपूर महानगरपालिकेसाठी भाजपानं आज जाहीरनामा प्रसिद्ध केला. नागपूर जागतिक दर्जाचं शहर बनवण्यासाठी ई- लायब्ररी, ४ स्तरीय वाहतूक, स्कायबस सुविधा, आणि विविध ठिकाणी उड्डाणपूल बांधण्याचं आश्वासन जाहीरनाम्यात दिलं आहे. लाडकी बहीण योजनेला विरोध करुन काँग्रेसचा खरा चेहरा समोर आला असल्याची टीका भाजपा नेते चंद्रशेखर बावनकुळे यांनी यावेळी केली. काँग्रेसचे विजय वडेट्टीवार यांनी भाजपा धर्माच्या आधारावर राजकारण करत असल्याचा आरोप केला होता. त्याला उत्तर देताना बावनकुळे म्हणाले, की भाजपाचं राजकारण आध्यात्मिक संस्कृतीच्या धर्तीवर चालतं.
